Wigatosipun pados ngelmu

Wigatosipun pados ngelmu

materi lomba MAPSI - Pidato Bahasa Jawa

(oleh Rifaudin Ahmad, S. Pd.i)

أَلسَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

أَعُوْذُبِاللهِ مِنَ الشَّيْطَانِ الَّرجِيْمِ . بِسْمِ اللهِ الرَّحْمَنِ الرَّحِيْمِ . اْلحَمْدُ لِلَّهِ رَبِّ اْلعَالَمِيْنَ . اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ . وَعَلَى آلِهِ وَأَصْحَابِهِ أَجْمَعِيْن . وَمَنْ تَبِعَهُمْ بِإِحْسَانٍ إِلَى يَوْمِ الدِّيْن .

وقال تعالى فى كتابه الكريم : بِسْمِ اللهِ الرَّحْمَنِ الرَّحِيْم .  وَاعْبُدْ رَبَّكَ حَتَّى يَأْتِيَكَ اْليَقِيْنُ .

وقال أيضا : بِسْمِ اللهِ الرَّحْمَنِ الرَّحِيْم . يَرْفَعِ اللَّهُ الَّذِينَ آَمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِمَا تَعْمَلُونَ خَبِيرٌ. ( الاية, امابعد )

Hadirin, poro rawuh sedoyo engkang minulyo.

Gesangipun kito sedoyo meniko mboten wonten tujuan sanesipun maleh kejawi kito kedah ngibadah utawi nyembah dateng Allah SWT. Kito kedah tansah mbagusi ngibadah kito setiap wekdalipun, menawi kito sak estu-estu ngersa’aken dados tiang engkang bejo ing ndunyo meniko langkung-langkung ing akhirat sak mangke.

Samiyo kito nyembah gusti Allah, ngantos dumuginipun dinten engkang nyoto mesti tekane,mboten sanes dumuginipun pejah.

Mangertoso bilih sak rugi-ruginipun tiang inggih meniko engkang tambah dinten lan yoswanipun, ananging amal ibadah lan kesaenanipun taseh sami kalihan wekdal kala wingi. Langkung-langkung menawi tambah yoswanipun mboten diiringi kalean peningkatan amal ibadah, tiang-tiang kados menikolah engkang bade ciloko ing wekdal sak meniko ugi ing wekdal tembe sak mangke, na’uudzu billah min dzaalik.

Hadirin poro rawuh sedoyo rohima kumulloh.

Setiap amal ibadah kito meniko mboten bade sampurno menawi lelampahan kito mboten mawi ilmu. Kito kedah ngamal kanti amaliyah engkang ilmiyah, ugi kito kedah nggadahi ilmu engkang dipun wujudaken utawi ilmu engkang amaliyah. Artosipun setiap amal ibadah kito kedah diiringi kalehan ilmu, lan setiap ilmu engkang dipun amanaheken dening Allah dateng kito kedah kito amalaken supados setiap ibadah kito langkung sempurno miturut syari’at agami Islam. Keranten meniko, menawi ibadah engkang dipun perintahaken dateng Allah dateng kito meniko hukumipun wajib, semanten ugi pados dateng ilmu engkang saget nyempurna’aken ibadah kalawahu hukumipun sami ugi wajibipun. Sebab wonten setunggalipun kaidah engkang ngendikaaken bilih perkawis wajib engkang mboten saget sempurno kecuali diiringi perkawis sanesipun, mongko ngelampahaken perkawis sanes kalawahu hukumipun ugi wajib.

مَالاَيُتِمُّ اْلوَاجِبُ إِلاَّبِهِ فَهُوَ وَاجِبٌ

Saget dipun pendhet tulodho sakeng lelampahan sholat kito. Sholat meniko hukumipun wajib, lan sholat kito mboten bade sah utawi mboten sempurna menawi kito mboten suci. Setunggalipun coro supados saget suci meniko kito kedah wudlu menawi keadaan hadas alit, kedah ados ageng menawi keadaan hadas ageng lan kedah tayammum menawi mboten saget ngelampahaken wudlu lan ados ageng meniko. Menawi sholat engkang mboten saget sempurno kejawi kito kedah sesuci rumiyin, berarti ngelampahaken sesuci sae arupi wudlu lan sak piturute meniko hukumipun ugi wajib.

Kados semanten ugi menawi hukumipun ngibadah meniko wajib, berarti ngelampahaken amal-amal engkang saget nyempurnaaken ibadah kalawahu kados dene madosi ngilmunipun ngibadah, meniko hukumipun ugi wajib.

Hadirin poro rawuh sedoyo rohima kumullooh.

Dipun ceriosaken wonten ing setunggalipun hikayat bilih Khalifah Al-makmun nate sowan dateng Syekh Ibrahim bin mahdi engkang nembe nderek kempal mbahas ilmu sesarengan poro jama’ahipun.

Khalifah Al-makmun lajeng mator dateng syekh ibrahim :

Duh syekh, kengeng punopo panjenengan taseh remen nderek mbahas ilmu sareng poro jama’ah kalawahu? Padahal panjenengan sampun sepuh !

Jawabipun syekh ibrahim :

Duh pimpinanipun tiang mukmin, tiang-tiang kalawahu sami ngrepotaken kulo wekdal alitipun (sebab anggenipun sami bibinahu maring kulo). Naliko tiang-tiang kalawahu sami ageng, kathah ngilmunipun, gantos kulo engkang ngrepotaken tiang-tiang kalawahu(kanthi tukar pengalaman, mbahas ilmu pengetahuan).

Lajeng syekh ibrahim ngendikan dateng khalifah al-makmun : Kengeng punopo panjenengan mboten nderek bibinahu sareng kulo?

Jawabipun khalifah al-makmun engkang sampun dados amiril mukminin (pimpinanipun umah), yoswo engkang sak antawis sepah, bondo engkang banget kathah : nopo taseh pantes menawi kulo pados ilmu ?

Lajeng syekh ibrahim ngendikan dateng khalifah al-makmun : Inggih. Demi Allah, yekti sedanipun panjenengan naliko pados ngilmu meniko langkung utami menggahipun gusti Alloh dari pada panjenengan gesang kanthi nampi dados tiang bodo. (Keranten rumahos sampon cekap ngelmunipun, lajeng mboten purun pados ngelmu maleh).

Kholifah al-makmun lajeng mator maleh : Lajeng ngantos dugi kapan kulo pantes pados ngelmu duh syekh ibrahim?

Jawabipun syekh ibrahim : Selagi ruh panjenengan taseh kumathil wonten ing rogo, menikolah panjenengan ugi taseh pantes pados ngelmu.

Hadirin poro rawuh sedoyo rohimakumulloh.

Menawi kito angen-angen hikayat meniko, saget kito pendhet hikmah bilih pados ngelmu meniko hukumipun wajib tumprap kito sedoyo. Mboten peduli kados nopo sepahipun yoswo kito, mboten peduli kados nopo kathahipun bondo dunyo kito, mboten peduli kados nopo inggilipun pangkat kito wonten ing ndunyo. Keranten sedoyo meniko namung ujian engkang kedah kito jagi. Ujian engkang bade nyelametaken menawi kito kelola kanthi sae, lan kosok wangsulipun bade ndorong kito dateng jurangipun neroko menawi mboten kito jagi kanthi sak estu. Na’uudhubillahi min dzaalik.

Kangge mangertosi coronipun njagi sedoyo macem pepahesipun ndunyo kolowahu mboten wonten sanes maleh kejawi mawi ilmu. Keranten sinten tiange engkang ngersa’aken selamet ndunya, mongko kedah nggadahi ngelmu. Sinten tiange ngersa’aken selamet ing akherat, mongko kedah nggadahi ngelmu, lan sinten tiange ngersa’aken tentremipun ndunyo lan akherat, mongko kedah nggadahi ngelmu.

(sholatulloh salamulloh, ala thoha rosulillah. Sholatulloh salamulloh, ‘ala yasin habibillah).

Yo sedulur, podo bareng nggolek ilmu.

Kanti teratur, lan ojo nganti keliru

Ilmu kanggo ngatur donya iku perlu

Kang Nngatur akhirat ya kudu diburu

(sholatulloh salamulloh, ala thoha rosulillah. Sholatulloh salamulloh, ‘ala yasin habibillah).

Allohumma sholli ala muhammad.

Hadirin poro rawuh sedoyo rohimakumulloh.

Kados mekaten wigatosipun ngelmu, sehingga saget nedahaken kados nopo tingkatan keimanan lan amal-amal sholeh kito wonten ngersanipun Alloh SWT. Kados pangendikanipun Alloh SWT :

بِسْمِ اللهِ الرَّحْمَنِ الرَّحِيْم . يَرْفَعِ اللَّهُ الَّذِينَ آَمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِمَا تَعْمَلُونَ خَبِيرٌ.

Akhiripun mugi-mugi kito termasuk ahli ilmu engkang saget ngamalaken ngelmu meniko sehinggo kito pinaringan kebahagiaan fid diini wad dun yaa wal akhiiroh, Amin Allohumma amin.